السلام عليكم
بسم الله الرحمن الرحيم
ازيكوا يا بنات
انا انهارده عمل عجينه العشر دقائق
فقولت اقولكم الطريقه
يلا بقى نبتدى
زي ما احنا عارفين مقادير عجينة العشر دقائق مجموعتين هما :
المجموعة الأولى :
2 كوب ماء دافئ
2 كوب دقيق فاخر
2 معلقة خميرة فورية
1/4 معلقة صغيرة ملح
2 ملعقة لبن بودرة
1/4 كوب سكر
المجموعة التانية :
3 كوب دقيق فاخر
1/2 كوب زيت نباتي
الطريقة :
نحط مقادير المجموعة الأول مع بعض ونسبهم يتخمرو 10-15 دقيقة
نحط عليه مقدار الدقيق
وفى اضافه بسيطه جدا بتعمل فرق وهي (1معلقة صغيرة باكنج باودر)
وبعد كده نصب مقدار الزيت على العجين ونستمر في العجن كويس
لو طرية حتحتاج لعجن كمان وهنا رشية دقيق بسيط وحطيت العجينة علشان أعجنها (بعشق العجين علشان كده ما بتستخدمش العجانه كتير)
وهنا اتعجنت حلو وبقت جميلة والسطح أملس وقوامها طري ومتماسك
هنا بقى نبدا نقسمها علشان هنعمل كذا حاجة (ضروري الترتيب في الشغل يا بنات
يعني نعرف كل حته عجين هنعمل بيها ايه علشان بيفرق أوي في الشكل والقوام النهائي وحتلاحظوا كدا في الاخر . يعني نحاول ما نعدش نقلب في العجينه ونفرد ونلم تاني ده سر بسيط من الاسرار) فردت العجينة على شكل دائرة وقطعتها مثلثات
وبعد كده حشيتها جبنه كيري وجبنه بيضاء ولفتها ورصيتها في صنينة مفروشة بورق الزبدة ودهنتها بصفار بيض ولبن ورشية عليها سمسم
وخبزتها في الفرن لحد ما نفخت واتحمرت
وكده بقى خلصنا
معلش الموضوع طويل شويه
بس هى مش عشر دقائق بالظبط ههههههه
ماشى بقى معطلكوش يلا باى باى
